ലോകത്തിലെ ഏറ്റവും നീളം കൂടിയ പാമ്പ് ഏതാണെന്ന് അറിയാമോ?

ഇങ്ങനെ ഒരു ചോദ്യം കേട്ടാൽ മിക്കവാറും ആളുകളുടെ മനസ്സിൽ "അനക്കോണ്ടാ ( ലോകത്തിലെ ഏറ്റവും വലിയ പാമ്പ് ) " എന്നാകും ഉത്തരം വരുക എന്നാൽ " ലോകത്തിലെ ഏറ്റവും നീളം കൂടിയ പാമ്പ് " അനക്കോണ്ടാ അല്ല... പിന്നെ ഏതാണ്?

Reticulated python ( പെരുമ്പാമ്പ് ) ആണ് ലോകത്തിലെ ഏറ്റവും നീളം കൂടിയ പാമ്പ്. Python reticulatus എന്നാണ് ഇവയുടെ ശാസ്ത്രീയ നാമം. റെറ്റിക്കുലേറ്റഡ് എന്നതിന്റെ അർത്ഥം " വലയുടെ രൂപത്തിലുള്ള " എന്നതാണ്,  ഇവയുടെ പുറത്തുള്ള ഡിസൈൻ വല നെയ്തത് പോലെയാണ് കാണപ്പെടുന്നത്.

30 അടിയോളമാണ് ഇവയുടെ നീളം. ഇവയുടെ ഭാരം ഏകദേശം 250 പൗണ്ട് ആണ് എന്നാൽ ഇതുവരെ കണ്ടുപിടിക്കപ്പെട്ടിട്ടുള്ളവയിൽ ഏറ്റവും വലുതിന്റെ ഭാരം ഏതാണ്ട് 300 പൗണ്ട്  ആണ്. ഇവ വിഷമുള്ള പാമ്പുകൾ അല്ല എന്നാൽ ഇരയെ വരിഞ്ഞു മുറിക്കിയാണ് കൊല്ലുന്നത്.

ഇവയെ തെക്കൻ ഏഷ്യയിലും തെക്ക് - കിഴക്കൻ ഏഷ്യയിലുമാണ് കാണപ്പെടുന്നത്.